Skip to main content

महत्वाच्या टिप्ससह तेलात न विरघळणारी मऊ न होणारी भाजणीची खमंग क्रिस्पी चकली | How to make chakali bhajani in marathi

                     भाजणीची चकली 

              ( Maharashtrian Chakali Recipe )

Maharashtrian Crispy Chakli Recipe in Marathi


दिवाळी ची चाहूल लागताच लगबग सुरु होते दिवाळीच्या फराळाची चकली ( Chakli ) ,चिवडा (Chivda ), करंजी  (Karnji ), लाडू ( Ladoo ), अनारसे (Anarase ), साठ्याची करंजी ( Satha Karnji ), शेव (Sev ), शंकरपाळे (Shankarpali ), बर्फी (Barfi ), इत्यादी अनेक फराळाचे पदार्थ दिवाळीमध्ये महाराष्ट्रामध्ये घराघरात बनविले जातात. 

चकली Chakli हा पदार्थ सर्वाना खूपच आवडतो, पण कित्येकदा काय होते कि भाजणीची चकली बनवते वेळी ती तेलात विरघळते किंवा तळल्यानंतर मऊ पडते, या सर्व चुका होऊ न देता छान क्रिस्पी, खुसखुशीत, खमंग भाजणीची चकली ( Crispy Bhajani Chakli ) आज आपण या ब्लॉग मध्ये बघूया.

साहित्य  

भाजणीचे पीठ बनविण्यासाठी लागणारे साहित्य  chakali bhajani flour Ingredients 

२ वाटी तांदूळ / 2 cup rice पाव वाटी हरभऱ्याची डाळ / 1/4 th cup chickpeas(gram) dal / channa dal पाव वाटी मूग डाळ / 1/4 th cup yellow moong dal पाव वाटी उडीद डाळ / 1/4 th cup urad dal पाव वाटी गहू / 1/4 th cup wheat grain पाव वाटी पोहे / 1/4 th cup poha २ चमचे धने / 2 tbsp coriander seeds

चकलीचे पीठ भिजविण्यासाठी लागणारे साहित्य Bhajani chakali dough Ingredients 

२ चमचे तीळ / 2 tbsp sesame seeds २ छोटे चमचे लाल तिखट / 2 tsp red chilli powder चवीनुसार मीठ / salt as per taste २ चमचे तेल / 2 tbsp oil अंदाजे १ लिटर पाणी / ~ 1 litre water

चकली तळण्यासाठी तेल / cooking oil for frying

कृती

चकलीची भाजणी

गॅसवर कढई ठेऊन मध्यम आचेवर सर्व साहित्य खाली लागू न देता उलथनीने सतत खालीवर करत छान खमंग कलर बदलत (हलकासा ब्राऊन कलर) नाही तोपर्यंत भाजून घ्यायचे आहे.
सर्व साहित्य या क्रमाने एकेककरून भाजून बाजूला काढून घ्यायचे आहे, सर्वात आधी तांदूळ, गहू, हरभऱ्याची डाळ, मुगडाळ, उडीद डाळ, आणि शेवटी पोहे.
खमंग भाजलेले तांदूळ, गहू, हरभऱ्याची डाळ, मुगडाळ, उडीद डाळ, पोहे थंड झाल्यानंतर एकत्र करून घ्यावे.
यानंतर वरून २ चमचे धने टाकावे.
धने भाजणीमध्ये मध्ये व्यवस्थित मिक्स करावे.
आता हि खमंग भाजलेली भाजणी बारीक दळून आणावी.

चकलीचे पीठ भिजविणे

भाजणी दळून आणल्यानंतर पीठ मोठ्या परातीत काढून घ्यावे.
वरून २ चमचे तीळ टाकावे.
२ छोटे चमचे लालतिखट आणि चवीप्रमाणे मीठ टाकून व्यवस्थित मिक्स करून घ्यावे.
गॅसवर साधारण १ लिटर पाणी ठेवावे गरम होण्यासाठी.
या गरम पाण्यात २ चमचे तेल टाकावे.
पाण्याला उकळी येताच गॅस बंद करून उकळले पाणी थोड थोड करून पिठात ओतून पीठ चमच्याने मिक्स करावे.
पाणी गरम असतानाच ते पिठात मिक्स करायचे आहे.
चकलीची पीठ आपल्याला जास्त घट्ट किंवा जास्त सैल नाही भिजवायचे.
चकलीची पीठ भिजवतेवेळी १ ते अर्धी वाटी पाणी शिल्लक राहू शकते.
पीठ गरम असल्याने अगोदर ते चमच्याने खालीवर करत भिजवावे.
पीठ कोमट होताच हाताने व्यवस्थित मळून घ्यावे.
पीठ व्यवस्थित भिजवल्यानंतर अर्ध्या तासासाठी झुकून ठेवावे.
अर्ध्या तासानंतर झाकण बाजूला करून पुन्हा पीठ व्यवस्थित मळून घ्यायचे आहे.
आता या भिजविलेल्या पिठाचे छोटे छोटे बॉल तयार करून घ्यावेत म्हणजे सोऱ्यात टाकताना सोपे पडते .
आता तयार २-३ बॉल चकलीच्या सोऱ्यात टाकून चकली बनवायला घ्यावी.
चकली बनवताना आतून बाहेर गोलाकार चकली बनवायची आहे.
पहिले आणि शेवटचे टोक दाबून घ्यावे.

चकली तळणे

गॅसवर कढई ठेऊन चकली पूर्ण बुडली जातील इतके तेल चकली तळण्यासाठी कढईमधे घ्यावे.
तेल कडकडीत गरम होताच एकेककरून चकली तेलात सोडावी.
एकावेळी ३ ते ४ चकली तळायला घेतली तरी चालेल.
चकलीच्या बुडबुड्या कमी होत आहे दिसताच किंवा चमच्याने चकली खालीवर करताना ती कडक झाली असेल तर गॅसची फ्लेम मध्यम करून चकली व्यवस्थित तळून घ्यावी.
चकलीचा कलर हलकासा ब्राऊन होताच ती झाऱ्याने बाहेर काढून थंड होण्यासाठी टिशूपेपर वर काढून घ्यावी.
सर्व चकली तळून झाल्यानंतर थंड झाल्यानंतर हवाबंद डब्यात ठेवावी.

Maharashtrian Bhajni Chakli Video



महत्वाच्या टीप

भाजणीचे पीठ भिजवताना गरम पाण्यात टाकलेल्या तेलाचे प्रमाण कमी असावे. तेलाचे प्रमाण थोडे जरी जास्त झाले तर चकली तेलात विरघळू शकते तुटू शकते, किंवा चकली मऊ पडू शकते.
भाजणीचे पीठ भिजवताना जास्त सैल किंवा जास्त घट्ट भिजवू नये.
चकली तळण्यासाठी टाकताना तेल कडकडीत गरम असावे.
चमच्याने चकली खालीवर करताना ती कडक झाली आहे असे दिसताच ती करपू नये म्हणून गॅसची फ्लेम मध्यम करून चकली तळून घ्यावी.
चकली कमी गॅसवर तळल्यास ती जास्त तेल पिते. किंवा मोठ्या फ्लेमवर तळल्यास वरून करपते आणि आतून कच्ची राहते. त्यामुळे चकली तळताना तेल हे कडकडीत गरम असायला हवे मग नंतर चकली खालीवर करून गॅसची फ्लेम मध्यम करून चकली तळून घ्यावी.


तुम्हाला हि रेसिपी  रेसिपी आवडली असेल तर  तुमच्या सोशल  मीडिया  प्लॅटफॉर्मवर  खाली दिलेली लिंक नक्की शेअर  करा. 

https://www.chivda.org/2020/11/how-to-make-chakali-bhajani-in-marathi.html

Also Watch

















Labels:

Comments

Post a Comment

Popular posts from this blog

खुरसनी चटणी | Karale Chutney Recipe In Marathi | Niger Seeds Benefits

        Karale Chutney Recipe In Marathi  Karale याला Khursani असेही म्हणतात. हिंदीमध्ये Ramtil तर इंग्रजीमध्ये Niger Seed असे म्हटले जाते. Garlic Cloves, Dry Red Chillies, Khursani / Karale, Roasted Peanuts, चवीसाठी मीठ मिक्स करून Khursani  / Karale ची चटणी बनविली जाते.    कारळे / खुरसनी चे फायदे / Niger Seeds Benefits  १) जखमेवरील खाजेसाठी खुरसनीची पेस्ट उपयोगी आहे.  २) खोकला येत असल्यास खुरसनीची अंकुरे आणि लहसून मधात मिक्स करून घ्यावे.  ३) खुर्सानीचें तेल : वजन वाढविण्यासाठी, जखम लवकर बरी होण्यासाठी, त्वचेवरील सुरकुत्या घालविण्यासाठी, निद्रानाश दूर करण्यासाठी, शांत झोपेसाठी, त्वचेच्या संरक्षणासाठी, दुखण्यावरील सूज कमी करून आराम मिळविण्यासाठी, हृदयाचे आरोग्य उत्तम राहण्यासाठी खुरसनी तेल खूपच उपयुक्त आहे.  Khurasanichi Chutney बनविण्यासाठी लागणारे  साहित्य  १ वाटी कारळे / खुरसनी.  १/२ वाटी भाजलेले शेंगदाणे.  १५-२० लहसून पाकळ्या.  १...
Post a Comment
Read more

बटाट्याची पातळ रस्सा भाजी | Maharashtrian Potato Curry | Batata Recipe in Marathi | CookWithDeepali

                          बटाट्याची  पातळ रस्सा भाजी                                  Maharashtrian Potato Curry बटाट्याची भाजी / Potato Recipe सर्वाना खूप आवडते . बटाट्याची भाजी / Potato  Recipe बनवायच्या अनेक पद्धती आहे जसे की Potato Chutney , Crispy Potato fry , Chillli Potato , Btatavada  , Aloo Paratha  , Potato Chips, Aloo Bhujiya , Eggpalnt Potato Curry  इत्यादी.  मी इथे महाराष्ट्रीयन गावाकडे झटपट बटाट्याची रस्सा भाजी / Potato  Curry कशी बनवतात हे सांगितले आहे. बटाटे , कांदा आणि शेंगदाण्याचा कूट वापरून बटाट्याची रस्सा भाजी खूपच चविष्ट बनते.  गावाकडे चुल्हीवर हि भाजी बनविण्यासाठी भाकरी झाल्यानंतर त्याच तव्यावर शेंगदाणे छान खरपूस भाजून घेतले जातात . नंतर काळ्या बुडाच्या कढईमध्ये खाली सांगितल्याप्रमाणे फोडणी देऊन बटाट्याची भाजी कमी जाळावर झाकण ठेऊन शिजत ठेवली जाते. भाजलेल...
Post a Comment
Read more

Shengule Recipe In Marathi

              Kulith Shengule Recipe In Marathi कुळीथ पिठाचे Shengule / Kulith Shengole  महाराष्ट्रातील अतिशय जुनी पारंपारिक रेसिपी आहे.  Shengule / Kulith Shengole  खाण्यासाठी खूपच चविष्ट आणि पौष्टिक असतात.  थंडीमध्ये तर आवर्जून Shengule / Kulith Shengole  बनविले जातात.  Kulith Benefits : प्रोटीन, व्हिटॅमिन, लोह यांच प्रमाण जास्त असल्यामुळे वजन कमी होण्यासाठी मदत होते.  कुळीथ पिठाचे सूप लहान मुलांसाठी खूपच पौष्टिक असते.  साहित्य   फोडणीसाठी तेल २ टेबलस्पून.  जिरं १ टीस्पून.  चवीसाठी मीठ.  भाजलेले शेंगदाणे १/४ वाटी.  लाल मिरच्या १/४ वाटी.  लहसून १/४ वाटी.  हिंग १/२ टीस्पून.  कुळीथ पीठ २ वाटी.  गव्हाचं पीठ १/२ वाटी.  पूर्वतयारी   प्रथम मिक्सरमध्ये लाल मिरच्या, लहसून, मीठ टाकून बारीक करून घेणे.  नंतर भाजलेले शेंगदाणे आणि थोडस पाणी टाकून पुन्हा बारीक करून घेणे.  वाटण तयार झाल्यानंतर श...
2 comments
Read more