Skip to main content

Maharashtrian Kothimbir Vadi | कोथिंबिरीची वडी

कोथिंबिरीची वडी 

Maharashtrian Kothimbir Vadi 

Kothimbirichi Vadi


Maharashtrian Kothimbir Vadi कोथिंबीर वडी ही महाराष्ट्राच्या पारंपारिक पदार्थापैकी एक आहे. थंडीमध्ये कोथिंबीर छान हिरवीगार ताजी महत्वाचं म्हणजे स्वस्त देखील असते. त्यामुळे थंडीमध्ये आवर्जून आपल्या घरातील अन्नपूर्णा या कोथिंबिरीपासून बनणारे पदार्थ बनवतात जसे कि कोथिंबिरीची भाकरी /  Kothimbir Thalipeeth , कोथिंबिरीची वडी / Kothimbir Vadi , कोथिंबिरीची भजी, कोथिंबीरीचे मुटकुळे इत्यादी. 
आपण या ब्लॉग मध्ये जी कोथिंबीर वडीची रेसिपी बघणार आहोत ती पद्धत खूपच साधी सोपी आणि कमी वेळेत होणारी रेसिपी आहे. आशा करते ही पद्धत तुम्हाला खूप आवडेल. 

साहित्य 

१ छोटा चमचा जिरं. / 1 tsp cumin seeds.
२-३ बारीक चिरलेली हिरवी मिरची . / 2-3 chopped green chilli.
४-५ बारीक कापलेल्या लहसनाच्या पाकळ्या. / 4-5 chopped garlic cloves.
१ इंच आल्याचे छोटे छोटे तुकडे. / 7-8 small pieces of ginger(1 inch).
१ मोठ बाउल भरून ताजी हिरवीगार निवडून साफ करून स्वच्छ धुवून बारीक चिरलेली कोथिंबीर. / 1 bowl fresh washed chopped Coriander leaves.
चवीनुसार मीठ. / salt as per taste.
पाव छोटा चमच्या हिंग. / 1/4 tsp asafoetida
अर्धा छोटा चमच्या हळद. / 1/2 tsp turmeric powder.
१ छोटा चमचा लालतिखट. / 1 tsp red chilli powder.
१ छोटा चमच्या धनापावडर. / 1 tsp coriander powder
१ चमचा पांढरे तीळ. / 1 tbsp sesame seeds.
२ चमचे बाजरीचे पीठ. / 2 tbsp bajara flour.
१ वाटी बेसन पीठ. / 1 cup besan/gram flour.
१ चमचा तांदळाचे पीठ. / 1 tbsp rice flour
तेल तळण्यासाठी. / oil for frying.

कृती 

१ छोटा चमचा जिरं, २-३ बारीक कापलेल्या हिरव्या मिरच्या, ४ ते ५ बारीक कापलेल्या लहसनाच्या पाकळ्या, आणि १ इंच आल्याचे छोटे छोटे तुकडे करून मिक्सरमध्ये व्यवस्थित बारीक करून घ्यावे. 

आता एका मोठ्या मिक्सिंग बाउल मध्ये १ मोठं बाउल भरून ताजी हिरवीगार निवडून साफ करून स्वच्छ धुवून बारीक चिरलेली कोथिंबीर घ्यावी. 

या बारीक चिरलेल्या कोथिंबिरीमध्ये मिक्सरमध्ये बारीक केलेले जिरं, लहसून, आलं, हिरव्या मिरच्या टाकाव्यात. 

वरून चवीसाठी मीठ टाकावे. 

पाव छोटा चमचा हिंग, १/२ छोटा चमचा हळद, १ छोटा चमचा लालतिखट, १ छोटा चमचा धनापावडर आणि १ चमचा तीळ टाकून हे सर्व साहित्य कोथिंबिरीमध्ये व्यवस्थित मिक्स करावे. 

आता यानंतर कोथिंबिरीच्या मिश्रणामध्ये १ वाटी बेसनपीठ, २ चमचे बाजरीचे पीठ, आणि १ चमचा तांदळाचे पीठ टाकावे.  थोडं थोडं पाणी टाकत मिश्रण छान मिक्स करावे. 

इडली  बनविण्यासाठी जितकं घट्ट बॅटर असते अगदी त्याप्रमाणे कोथिंबिरीच्या मिश्रणात थोडस पाणी टाकून इडलीप्रमाणे घट्ट मिश्रण बनवावे. 

आता हे तयार कोथिंबीर वडीचे मिश्रण  कूकरच्या च्या डब्यामध्ये टाकूया. त्याआधी कूकरच्या डब्याला आतून तेल लावलेले असावे. 

गॅस सुरु करून  मध्यम आचेवर कुकर ठेऊन त्यात साधारण अर्धा ग्लास पाणी टाकून त्यात स्टॅन्ड ठेवावा. 

कोथिंबीर वडीच्या मिश्रणाचा डब्बा कूकरमधे स्टॅण्डवर ठेऊन कुकर च झाकण बंद करावे. (कूकरची शिट्टी , रिंग नाही काढलेली ). 

मध्यम आचेवर कुकरची १ शिट्टी होईपर्यंत वाट बघावी. 

कुकरची १ शिट्टी होताच गॅस बंद करून कुकर थंड होऊन द्यावा. 

कुकर थंड झाल्यानंतर कूकरमधील कोथिंबीर वडीचा डब्बा बाहेर काढावा. 

चाकूने कोथिंबीर वडीच्या बेसच्या कडा मोकळ्या करून डब्बा पालथा करत वरून हलक्या हाताने टॅप करत कोथिंबीर वडीचा बेस प्लेट मध्ये काढावा. 

कोथिंबीर वडीचा बेस आतून व्यवस्थित शिजला आहे का नाही त्यासाठी टूथ पीक बेस च्या आतमध्ये घालून चेक करू शकता. टूथ पीक क्लीयर बाहेर आली तर समजावे कोथिंबिरीचा बेस मस्त शिजलेला आहे. 

आता या कोथींबीरीच्या बेसच्या आपल्या आवडीप्रमाणे चाकूने वड्या तयार कराव्यात. 

गॅसवर पॅन ठेऊन त्यात तेल टाकावे गरम होण्यासाठी. 

कोथिंबीर वड्या तेलात व्यवस्थित तळल्या जातील इतके तेल पॅन मध्ये टाकावे. 

तेल गरम होताच कोथिंबीर वड्या तेलात टाकून चमच्याने खालीवर करत हलकासा ब्राऊन कलर येत नाही तोपर्यंत तळयाच्या आहेत. कोथिंबीर वडी तळताना गॅसची फ्लेम कमी करू नये. जास्त ते मध्यम आचेवरच कोथिंबीर वडी तळयाची आहे. त्यामुळे कोथिंबीर वडी तेलकट न होता छान खुसखूशीत होते. 

कोथींबीर वडीचा कलर हलकासा ब्राऊन होताच तळलेल्या गरमागरम खुसखुशीत कोथिंबीर वड्या टिशू पेपर वर काढून घ्याव्यात. 


टीप 

लहसून, आलं, हिरवी मिरची, आणि जिरं एकत्र मिक्सरमध्ये बारीक करून टाकल्यामुळे कोथिंबीर वडी खूपच चविष्ट बनते. बाकी मसाल्यामुळे कोथिंबीर वडीला छान स्वाद येतो. 

बाजरीच्या पिठामुळे कोथिंबीर वडीला छान खमंग येतो. 

तांदळाच्या, बेसनाच्या, आणि बाजरीच्या पिठामुळे कोथिंबीर वडीला छान खमंग तर येतोच पण त्याबरोबर कोथिंबीर वडी मस्त खुसखुशीत / Crispy  देखील होते. 

कोथींबीर वडी तळताना गॅसची फ्लेम कमी/मंद न केल्यामुळे कोथिंबीर वडी बिलकुल तेलकट नाही होत. 


     Kothimbir Vadi Recipe In Marathi Video 



तुम्हाला हि रेसिपी  रेसिपी आवडली असेल तर  तुमच्या सोशल  मीडिया  प्लॅटफॉर्मवर  खाली दिलेली लिंक नक्की शेअर  करा. 
https://www.chivda.org/2020/12/maharashtrian-kothimbir-vadi.html

Also Watch



 









Labels:

Comments

Post a Comment

Popular posts from this blog

खुरसनी चटणी | Karale Chutney Recipe In Marathi | Niger Seeds Benefits

        Karale Chutney Recipe In Marathi  Karale याला Khursani असेही म्हणतात. हिंदीमध्ये Ramtil तर इंग्रजीमध्ये Niger Seed असे म्हटले जाते. Garlic Cloves, Dry Red Chillies, Khursani / Karale, Roasted Peanuts, चवीसाठी मीठ मिक्स करून Khursani  / Karale ची चटणी बनविली जाते.    कारळे / खुरसनी चे फायदे / Niger Seeds Benefits  १) जखमेवरील खाजेसाठी खुरसनीची पेस्ट उपयोगी आहे.  २) खोकला येत असल्यास खुरसनीची अंकुरे आणि लहसून मधात मिक्स करून घ्यावे.  ३) खुर्सानीचें तेल : वजन वाढविण्यासाठी, जखम लवकर बरी होण्यासाठी, त्वचेवरील सुरकुत्या घालविण्यासाठी, निद्रानाश दूर करण्यासाठी, शांत झोपेसाठी, त्वचेच्या संरक्षणासाठी, दुखण्यावरील सूज कमी करून आराम मिळविण्यासाठी, हृदयाचे आरोग्य उत्तम राहण्यासाठी खुरसनी तेल खूपच उपयुक्त आहे.  Khurasanichi Chutney बनविण्यासाठी लागणारे  साहित्य  १ वाटी कारळे / खुरसनी.  १/२ वाटी भाजलेले शेंगदाणे.  १५-२० लहसून पाकळ्या.  १...
Post a Comment
Read more

बटाट्याची पातळ रस्सा भाजी | Maharashtrian Potato Curry | Batata Recipe in Marathi | CookWithDeepali

                          बटाट्याची  पातळ रस्सा भाजी                                  Maharashtrian Potato Curry बटाट्याची भाजी / Potato Recipe सर्वाना खूप आवडते . बटाट्याची भाजी / Potato  Recipe बनवायच्या अनेक पद्धती आहे जसे की Potato Chutney , Crispy Potato fry , Chillli Potato , Btatavada  , Aloo Paratha  , Potato Chips, Aloo Bhujiya , Eggpalnt Potato Curry  इत्यादी.  मी इथे महाराष्ट्रीयन गावाकडे झटपट बटाट्याची रस्सा भाजी / Potato  Curry कशी बनवतात हे सांगितले आहे. बटाटे , कांदा आणि शेंगदाण्याचा कूट वापरून बटाट्याची रस्सा भाजी खूपच चविष्ट बनते.  गावाकडे चुल्हीवर हि भाजी बनविण्यासाठी भाकरी झाल्यानंतर त्याच तव्यावर शेंगदाणे छान खरपूस भाजून घेतले जातात . नंतर काळ्या बुडाच्या कढईमध्ये खाली सांगितल्याप्रमाणे फोडणी देऊन बटाट्याची भाजी कमी जाळावर झाकण ठेऊन शिजत ठेवली जाते. भाजलेल...
Post a Comment
Read more

Shengule Recipe In Marathi

              Kulith Shengule Recipe In Marathi कुळीथ पिठाचे Shengule / Kulith Shengole  महाराष्ट्रातील अतिशय जुनी पारंपारिक रेसिपी आहे.  Shengule / Kulith Shengole  खाण्यासाठी खूपच चविष्ट आणि पौष्टिक असतात.  थंडीमध्ये तर आवर्जून Shengule / Kulith Shengole  बनविले जातात.  Kulith Benefits : प्रोटीन, व्हिटॅमिन, लोह यांच प्रमाण जास्त असल्यामुळे वजन कमी होण्यासाठी मदत होते.  कुळीथ पिठाचे सूप लहान मुलांसाठी खूपच पौष्टिक असते.  साहित्य   फोडणीसाठी तेल २ टेबलस्पून.  जिरं १ टीस्पून.  चवीसाठी मीठ.  भाजलेले शेंगदाणे १/४ वाटी.  लाल मिरच्या १/४ वाटी.  लहसून १/४ वाटी.  हिंग १/२ टीस्पून.  कुळीथ पीठ २ वाटी.  गव्हाचं पीठ १/२ वाटी.  पूर्वतयारी   प्रथम मिक्सरमध्ये लाल मिरच्या, लहसून, मीठ टाकून बारीक करून घेणे.  नंतर भाजलेले शेंगदाणे आणि थोडस पाणी टाकून पुन्हा बारीक करून घेणे.  वाटण तयार झाल्यानंतर श...
2 comments
Read more