Skip to main content

चटकदार कोबीची भाजी | how to make gobi matar masala | Cabbage Recipe in Marathi

चटकदार कोबीची भाजी Gobi Matar Masala 

Kobichi Bhaji


पत्ता कोबीची भाजी / Cabbage म्हटले कि काही जण नाक मुरडतात कारण काय तर तिचा वास येतो, खाण्यासाठी कडू लागते, वगैरे,वगैरे. आता या सर्व लोकांनी कोबीची भाजी आवडीने खावं असं जर वाटत असेल तर आज हा माझा लेख खास तुमच्यासाठी 😃😃. कोबी घेण्यापासून ते शिजवेपर्यंत ची कृती तुम्हाला इथे मी सांगणार आहे. आजची रेसिपी वाचून अगदी हुबेहूब हि कोबीची भाजी बनवाल तर घरातील मंडळी तुमची तारीफ तर करतीलच पण त्याबरोबर नवऱ्याच्या टिफिन मधील हि कोबीची भाजी खाऊन ऑफिस मधील मित्र देखील वा वा 👌म्हटल्याशिवाय राहणार नाही. 

कोबी कसा बघून घ्यावा ?

कोबी घेताना तो ताजा आणि शक्यतो हिरवा बघून घ्यावा. 
पिवळा पडलेला किंवा पांढरा कोबी हा जास्त दिवसाचा असू शकतो त्याचबरोबर त्याच्यावर पाणी मारलेले असेल तर कोबी खाण्यासाठी कडवट लागतो. 
कोबी घेताना हातात घेऊन बघावा, तो आकाराने छोटा असेल पण वजनाला जास्त असेल आणि त्याचबरोबर दिसायला व्हिडिओ मध्ये दाखविल्याप्रमाणे हिरवा असेल तर तो कोबी भरीव, ताजा आणि चवीला पण छान लागतो. 
जास्त मोठा आतून पोकळ, पांढरा कोबी कापताना जड जात असेल तर तो शिजायला खूप वेळ लागतो त्याचबरोबर चवीला पण कडवट लागतो. 
कोबी पिकाच्या दरम्यान शेतीला पाणी मुबलक मिळाले असेल तर तो कोबी चवीला खूप म्हणजे खूपच चविष्ट असतो. 

साहित्य 

दीड पाव कोबी / cabbage . 
२ चमचे / tbsp तेल फोडणीसाठी . 
७-८ कडीपत्त्याची पाने. 
१ चमचा / tbsp ठेचलेला लहसून. 
४-५ बारीक कापलेल्या मिरच्या. 
बारीक चिरलेली कोथिंबीर. 
१ छोटा चमचा / tsp हिंग. ( हिंग भाजीचा सुगंध आणि स्वाद वाढवतो त्यामुळे कोबीची सुक्की भाजी बनविताना हिंग जरूर टाकावा. ). 
१ छोटा चमचा / tsp हळद. 
१ छोटा चमचा / tsp धनापावडर . 
१ छोटा चमचा / tsp जिरं. 
१/२ वाटी ताजे ओले वाटणे. 
धुवून घेतलेली मुगडाळ पाव वाटी. 
१/२ वाटी बारीक फोडी केलेला टोमॅटो. 
आणि चवीसाठी मीठ. 

कृती 

कोबीचे वरचे पान काढून टाकावे. त्यानंतर व्हिडिओमध्ये दाखवल्याप्रमाणे कोबीचे भाग करून तो बारीक चिरून घ्यावा. 

कोबी पिकादरम्यान त्यावरती फवारणी केलेली असू शकते त्यामुळे कोबी चिरल्यानंतर ती पाण्यात पूर्ण बुडली पाहिजे इतके पाणी टाकून गॅसच्या जास्त आचेवर उकळी यायला सुरवात होतास गॅस बंद करून चाळणीने कोबीतील पाणी बाजूला काढून टाकावे. कोबी  गरम पाण्यात धुवून निघाल्यामुळे तिचा उग्र वास निघून जातो. 

कढई मध्ये फोडणीसाठी तेल गरम करावे. 

तेल तापताच त्यात हिंग, हळद, जिरं, कडीपत्ता, ठेचलेला लहसून आणि बारीक चिरलेल्या हिरव्या मिरच्या एकामागोमाग एक छान तळून घ्यावे. 

धनापावडर टाकावी. 

बारीक चिरलेली कोथिंबीर फोडणीत टाकुन  मस्त तळून घ्यावी . 

यानंतर धुवून घेतलेली मुगाची टाकून चमच्याने मिक्स करावी . 

मुगाची डाळ छान अशी क्रिस्पी दिसायला सुरवात होताच वरून बारीक कापलेल्या टोमॅटोच्या फोडी टाकाव्यात. 

टोमॅटोच्या फोडी फोडणीत परतवल्यानंतर त्यामध्ये ताजा ओला वाटाणा टाकावा. 

मध्यम आचेवर सर्व साहित्य १५ ते २० सेकंद तेलात छान परतून घ्यावे. 

चवीसाठी मीठ टाकावे. 

यानंतर कोबी टाकून चमच्याने तो व्यवस्थित मिक्स करावा. 

मध्यम आचेवर कोबी शिजण्यासाठी कढईवर ५ ते ७ मिनिटे झाकण ठेवावे. 

५ ते ७ मिनिटानंतर झाकण बाजूला करून कोबी चमच्याने खालीवर करावा. 

कोबीवरचे झाकण बाजूला केल्यानंतर तुम्हाला कोबीचा खूपच मस्त सुगंध येईल त्याचबरोबर या शिजलेल्या कोबीचा कलर देखील मनमोहक झालेला दिसेल. 

गॅस बंद करून हि तयार गरमागरम चटकदार कोबीची भाजी तुम्ही टिफिन मध्ये किंवा सर्विंग प्लेट मध्ये सर्व्ह करू शकता. 

अशी हि तयार आकर्षक सुगंधित चविष्ट  चटकदार कोबीची भाजी पाहिल्यानंतर ती खाऊन बघण्याचा मोह कुणालाही न आवरणार असाच असेल . त्यामुळे हि सुक्की चटकदार कोबीची भाजी तुम्ही नक्की करून बघा. 

  Cabbage Masala Recipe in Marathi video 




तुम्हाला हि रेसिपी  रेसिपी आवडली असेल तर  तुमच्या सोशल  मीडिया  प्लॅटफॉर्मवर  खाली दिलेली लिंक नक्की शेअर  करा. 
https://www.chivda.org/2021/01/how-to-make-gobi-matar-masala-cabbage.html

Also Watch








 






Labels:

Comments

Post a Comment

Popular posts from this blog

खुरसनी चटणी | Karale Chutney Recipe In Marathi | Niger Seeds Benefits

        Karale Chutney Recipe In Marathi  Karale याला Khursani असेही म्हणतात. हिंदीमध्ये Ramtil तर इंग्रजीमध्ये Niger Seed असे म्हटले जाते. Garlic Cloves, Dry Red Chillies, Khursani / Karale, Roasted Peanuts, चवीसाठी मीठ मिक्स करून Khursani  / Karale ची चटणी बनविली जाते.    कारळे / खुरसनी चे फायदे / Niger Seeds Benefits  १) जखमेवरील खाजेसाठी खुरसनीची पेस्ट उपयोगी आहे.  २) खोकला येत असल्यास खुरसनीची अंकुरे आणि लहसून मधात मिक्स करून घ्यावे.  ३) खुर्सानीचें तेल : वजन वाढविण्यासाठी, जखम लवकर बरी होण्यासाठी, त्वचेवरील सुरकुत्या घालविण्यासाठी, निद्रानाश दूर करण्यासाठी, शांत झोपेसाठी, त्वचेच्या संरक्षणासाठी, दुखण्यावरील सूज कमी करून आराम मिळविण्यासाठी, हृदयाचे आरोग्य उत्तम राहण्यासाठी खुरसनी तेल खूपच उपयुक्त आहे.  Khurasanichi Chutney बनविण्यासाठी लागणारे  साहित्य  १ वाटी कारळे / खुरसनी.  १/२ वाटी भाजलेले शेंगदाणे.  १५-२० लहसून पाकळ्या.  १...
Post a Comment
Read more

बटाट्याची पातळ रस्सा भाजी | Maharashtrian Potato Curry | Batata Recipe in Marathi | CookWithDeepali

                          बटाट्याची  पातळ रस्सा भाजी                                  Maharashtrian Potato Curry बटाट्याची भाजी / Potato Recipe सर्वाना खूप आवडते . बटाट्याची भाजी / Potato  Recipe बनवायच्या अनेक पद्धती आहे जसे की Potato Chutney , Crispy Potato fry , Chillli Potato , Btatavada  , Aloo Paratha  , Potato Chips, Aloo Bhujiya , Eggpalnt Potato Curry  इत्यादी.  मी इथे महाराष्ट्रीयन गावाकडे झटपट बटाट्याची रस्सा भाजी / Potato  Curry कशी बनवतात हे सांगितले आहे. बटाटे , कांदा आणि शेंगदाण्याचा कूट वापरून बटाट्याची रस्सा भाजी खूपच चविष्ट बनते.  गावाकडे चुल्हीवर हि भाजी बनविण्यासाठी भाकरी झाल्यानंतर त्याच तव्यावर शेंगदाणे छान खरपूस भाजून घेतले जातात . नंतर काळ्या बुडाच्या कढईमध्ये खाली सांगितल्याप्रमाणे फोडणी देऊन बटाट्याची भाजी कमी जाळावर झाकण ठेऊन शिजत ठेवली जाते. भाजलेल...
Post a Comment
Read more

Shengule Recipe In Marathi

              Kulith Shengule Recipe In Marathi कुळीथ पिठाचे Shengule / Kulith Shengole  महाराष्ट्रातील अतिशय जुनी पारंपारिक रेसिपी आहे.  Shengule / Kulith Shengole  खाण्यासाठी खूपच चविष्ट आणि पौष्टिक असतात.  थंडीमध्ये तर आवर्जून Shengule / Kulith Shengole  बनविले जातात.  Kulith Benefits : प्रोटीन, व्हिटॅमिन, लोह यांच प्रमाण जास्त असल्यामुळे वजन कमी होण्यासाठी मदत होते.  कुळीथ पिठाचे सूप लहान मुलांसाठी खूपच पौष्टिक असते.  साहित्य   फोडणीसाठी तेल २ टेबलस्पून.  जिरं १ टीस्पून.  चवीसाठी मीठ.  भाजलेले शेंगदाणे १/४ वाटी.  लाल मिरच्या १/४ वाटी.  लहसून १/४ वाटी.  हिंग १/२ टीस्पून.  कुळीथ पीठ २ वाटी.  गव्हाचं पीठ १/२ वाटी.  पूर्वतयारी   प्रथम मिक्सरमध्ये लाल मिरच्या, लहसून, मीठ टाकून बारीक करून घेणे.  नंतर भाजलेले शेंगदाणे आणि थोडस पाणी टाकून पुन्हा बारीक करून घेणे.  वाटण तयार झाल्यानंतर श...
2 comments
Read more